| ss's profile][ الشامسي ][PhotosBlogLists |  Tools  Help |
|
August 11 السبيس اليديدهذا السبيس مغلق
ارجو التفضل بدخول السبيس اليديد وهذا هو
ولكم فائق الشكر والأمتنان
الشــــامسي March 18 لحظة وداااعهلا
شخباركم عساكم بخير
صارتلي ظروف كثير اخرتني من اني مارد عليكم او اني ماسوي بلوج يديد
هذي المره ياينكم ويمكن آخر مره تشوفوني هني
خلاص قررت اشد الرحال وابتعد قررت اسابق الوقت وارحل
كل اللي بيدي اقوله سامحوني سامحوووني إذا غلط على حد منكم او سببت لأي شخص اي مشاكل
 سامحوني والله اني استانس واايد لما اشوف مشاركاتكم معاي والسوالف والضحك بعض المرات اقعد اطالع الردود حلوه ولزيزه على اصحابها
اذكر القصص اللي مرت علي وذكرها لكم وضحك واذكر لحضات تواجدكم معاي واذكر لما اغيب تسألون عني
انكنت ردودكم حلوه هم بعد سبيساتكم رووووعه في قمت الروعه
لكن انا مابقلي وقت معاكم خلاص راح انتهي وراح ارحل من هذي الدار
انا ودي اكون دايم معاكم
لكن هذا القدر يفرق احباب واصحاب واخواني واهل .... كيف مايفرقنا ونحن صداقه بسيط
لكني اشوفها كبيره كنتوا بالنسبه لي ربعي واخواني وخواتي واهلي وكل شي
يمكن تشوفون كلامي كبير لكنها حقيقه
ساعات الواحد اشياء مايريدها تصير لكنه بتصير ومهما كان بتصير وغصب او طيب
وهذا انا مابقالي وقت في هذا مكان بينكم
الحزن شلات في صدري .. والمهم اساكنن عمري
ليت الوقت بس يدري .... الحزن اللي عليه بدري
والخدود وديان من دمعي ... والقلب جروح من قدري
 هييييييييه قلتها والقلب مليان هموووم
سامحوني ساااامحوني إذا غلط عليكم
الود ودي ابقى بينكم لكن هذي حكمتة
مابقى للكلام يشرح وضعي
خلاص مافيني حيل
سامحوووني سامحوني
اتمنا من كل واحد يحط باله على نفسه ولاينسى صلاته ولا اهله
اتمنا انكم تذكروني بالخير ... ولا تاخذون بخاوطركم مني
اتمنا لكم التوفيق من ربي
آخر كلام اقوله
سأرحل عنكم ....ولكن مب للابد
لكني بنتقل للسبيس يديد واللي اريده تزوروني هناااك
خخخخخخخخ
ادري خاطركم تصفعوني على الرمسه للي فوق
يعني انا بودعكم في هذا سبيس وانتظركم في السبيس اليديد
وهذا هوو
 والسموحه منكم February 04 قصتي ياجماعههلا اليوم يا جماعه غير
بخبركم سالفتي الاوليه وبيكم تركزون شويه
هذي السالفه صارت من سنتين ... وكنا اثنين انا وهي كانت بالنسبه لي شخص عادي وكنت بالنسبه لها كل شي كانت العين اللي تسهر علي كانت إذا مرضت يا جماعه تاخذني بحنانها كانت تهمني هم ماله حدود كانت إذا تعبت والكل يبعد عني تبقا هي اللي مهتمه فيني توديني المستشفى بروحها وتداريني وماترقد إلا لما تعرف اني بخير وكانت تروح معاي وين مارحت تساعدني وقت ماحتيت المساعده توصلني تهمني بشكل غير طبيعي وبالاحرا تقدرون توقولن تحبني .... ايه تحبني حب غير طبيعي تحبني حب الجنوون .... وانا ولا داري ولا مهتم
كانت دايم اسبها ..... كنت قاسي معاها كنت اضربها .... كانت تتألم مني واااايد قات قاسي ياجماعه قاسي على القلب اللي لمني بحنانه
كنت ماتهتم فيها ولا حتى اعبرها كانت تصيح وتتألم بس ماكانت تبين هذا كله قدامي كانت تتظاهر قدامي نها مستانسه وسعيده وانا اجرحها واسبها كل من كان يشونا يقول احلا حب واحلا ثنين ... من كثر ماهي تحبني ماترضا علي بأي شي كانت تدافع عني إذا حد طراني بسوء كانت تحارب كل من يحاربني وتعادي كل من عاداني وتغار من كل من يحبني .... كانت تغار وااايد علي لكنه ماكانت تقول ولا تخليني اعرف تخاف تجرحني بشي المسكينه وانا كنت عكسها تماماً
في مره كان واحد من اصحابي ياي عندي وكانت معه وحده قالي تعال معانا قلت اوكي قلت المسكينه وانا ؟؟؟ رديت عليها وانا معصب ... بصفتج شو تروحين معانا ؟؟ وسبيتها واهنتها قدامهم
شو تتوقعون ترد علي ؟؟؟
قالت آسفه آسفه لا تعصب كل ولا تعصب مابيك تزعل مني ... قتلها وشو يعني ازعل منج منو انتي أصلاً سكتت وكان امبيت في عينها انها تتعذب وساكته راحت وخلتني معاهم رديت متأخر
تحاول تكلمني وانا ماكلمها ... المسكينه كانت تحاول تراضيني بأي طريقه وانا ولا على البال
ماقد مره سمعت مني كلمه حلوه ....كنت جااااف معاها قاسي بكل الصور
كانت حلووه جميله بيضه مثل الورده البيضه ... كانت آيه في جمالها .. كان الكل يحسدني عليها وانا كنت اعما وجاهل في جمالها
كنت لما اسافر يخبروني تبقا دايم وحديه محد معاها ولا تكلم حد ولا حتى كانت تاكل ولا شي ... كانت دايم تسأل علي وتنتظرني لحظت وصولي
دايم تسأل وكل همها علي
لما كنت ارجع من السفر كانت تطير من الفرحه ترجع لها الروح تصوروا يا جماعه اييب للكل هدايا خواني خواتي وامي وابوي واربعي كلهم وهي ولا حتى اعبرها ولا حتى بكلمه حلوه .... الهديه شي بسيط لكن ماتساوي الفرحه اللي تغمر الواحد بأهتمام الشخص الثاني وتقديم الهديه له
فوق كل هذا ماكانت تهتم وتبقا سعيده لأني بس رجعت للدار وهي تعتبر اني رجعت لها ورجعت لها روحها كانت دايم احس انها دامي تريد تكلمني وتريد تقعد معاي تعرفون انتوا ان احلا شي ان الواحد يقعد يتكلم او يتسامر مع اللي يحبه
بقينا على هذا الحال هي اتداريني وتهمني وانا اسبها وادور اي اسبب علشان اجرحها فيه كنت قاسي بمعنا الكلمه وبعد هذاك اليوم اللي ماراح انسا طول عمري
تعرفون ياجماعه شو صار.؟؟؟؟؟
بعت ذاك الحب بأرخص الاسعار
بعت القلب اللي لمني بحنانه .... بعت ذاك القلب اللي تمناني ولا تمنا فراقي .... بعت ذلك الحب وختنها بألبشع صوره فارقتني وعيونها كلها دموووووع ..... فارقتني وكلها ألم وهمووووووووم فارقتني والمووووت أقرب لها من الحياه خنتهااااااااا وبعت الحب اللي ملا حياتي من دون ما ادري
بعدها حسيت بالغلطه بعدها شفت الكل ضدي من دونها شفت انها الوحيده اللي كانت مهتمه فيني شفت المرض وقت المرض من دونها
عرفت بحبها بعد ما فات الفوت وانتها كل شي عرفت العذاب اللي عشتها فيه
حراااااااااام اللي سويته حراااااااااام
غلطت غلطت عمري
حبيتها بعد مافرقتني حبيتها بعت ما فات الفوت بقيت انا اندب حضي
بقيت انا بحالي
عذبتها وانا مادري بحبها عذبتها وليت القلب ماباعها حبيتها بعد ماراحت بقلبها حبيتها وانا معذب حياتها بقيت انا لحالي اندب الحظ اللي رماني ... بقي انا لحالي بعد ماخنت زماني ... بقيت انا لحالي والدمع سايل فوق وجناتي
رحلت ورحل ذلك الحب رحل ذاك الحنان رحل ذلك القلب ....
ماعرفت الحب إلا من بعد ذاك الفراق
رحلت وعيونها كلها دمع من دم
الدم اللي كانت تفديني فيه والقلب اللي مسكنتني فيه راحت وراحت كل آمالي ... راحت واح الحب واشجاني حاولت وكم حاولت ....... حاولت اني اتدارك غلطتي لكن مايفدي كل شي وصدق الشاعر لما قال
مايفيد اليوم كثر الاعتذار ... ولا يفيد الامس من ذكر الوله انتهينا السبب غلطة شطار ... حبك المايل انا كيف اعدله اريد من كل من يقرا هذي القصه .... من كان مقصر في حبه
تلاحق نفسك قبل ماتوقع في غلظه .. ترا مابعد الحب من يحبه استودعكم والذكرا تدمع عيوني من ذكراها
والسموحه على الاطاله
ملاحظه :- حبيبت القلب اللي فوق كانت سيارتي اللي بعتها ^_^ January 31 النظام اليديد للسبيساتمرااحب
كيف حالكم
طولي بعمركم اليوم قلت بتكلم عن النظام اليديد للسبيسات
صراحه صراحه النظام اليديد مااااااصخ ومثل ويهم
تكتب ردود ماتظهر ... تريد تشوف الردود اليديده تكون موجوده في بعض المواضيع بعد ماتظهر
الصوره الشخصيه ماتظهر وعنوان البلد بعد مادري وين راح
بشكل عام خربوا النضام مال السبيس
يعني مثل ماتقولون ...يوا يرديون يكلحونها عموها
صار لما ادخل السبيس اييني ضغط واظهر منه كنت اقضي وقتي في الحواطه في السبيسات والرد عليهم
لكن الحين النظام اليديد كرهني هذي الحركه
صحيح حطوا استايلات يديده وحلوه لكن الباقي خربووووووه يعني السبيس القبلي بالنسبه لي انا احسن بألف مره
المهم كل اللي اريده منكم
ان كل واحد يعطيني رايه
في النظام اليديد ؟؟
ولا تتحرون اني مارديت على ردودكم رديت لكن هذا السبيس ماطاع يظهر ردودي
والسموحه منكم January 26 السموحه على الغيبهالسلام عليكم
عساكم إلا بخير
اكيد اتوقع الكل زعلان مني او حاط في خاطره مني
بغض النظر ان كان لأني مارديت عليه او مازرته في سبيسه او حتى قطعته
لدري والله ادري من حقكم تزعلون يمكن لو انا كنت مكانكم يمكن كنت اسوي نفس الشي
لكن مثل ماقال راعي القصيد وصاحب الامثال الغايب عذره معاه
وانا ياي وعذري معي
طولي بعماركم الصرحه الصراحه وبصدق وما راح اكذب عليكم
نحن انتقلنا لبيتنا اليديد يعني الجديد
ولما انتقلنا روحت اتصالات وطلبت نقل خط النت ... لأنه شامل
المهم
بعدهاصارت إجازة العيد وبعدها توفا الشيخ وصارت إجازه مره ثانيه
ومني ومناك وكل يوم اتصل عليهم وين النت وين النت
وهم بنييك قريب مني ومناك من لما انتقلنا لين ما ركبوا النت طولي بعماركم مرت 3 اسابيع تقريباً
والحمد لله ركبوا النت
ورديت انا وشفت ردودكم
وكلي شكر وتقدير للي مانسوني وقاموا بالرد على مواضيعي ان كان للعيد او لغيره
مشكووووووورين وسامحوني لأني تأخرت عليكم
بس عاد الحين أكيد عاذريني لأنكم تعرفون السبب صح ولا لاااا
شو شووووو
ايوه صـــح
اي كذييييي اريكم خخخخخخخخخ
ولكم مني أحلا تحيه
الشـــــامسي
الحاضر الغايب January 10 مبروووك عليكم العيداحم احم
حياااااكم الله معاي من جديد
والحين اريد أقولكم مبرووووووووووك عليكم العيد وعساكم من العايدين
وكل عام وانتم بخير
 والحين بنوزع البيزات =الفلوووووس يعني موووني
يالله شباب وصبايا بالدووور
البنات اول ليدز فرست خخخخخخخخخ
من الصغير لين الكبير يالله
 الخير واايد ومابيفووتكم
خخخخخخخخ
وكل عام وانتم بخير January 05 الشيخ مكتوم ،، في ذمة اللهبسم الله الرحمن الرحيم
January 01 القائمة السودا .....و النهاية المؤلمةهلاااااااا
اليوم بخبركم عن سالفه صارت عندي من 3 شهور
السالفه تقول ..
كان عندي ربع وهذيلا الربع كنت وااااااااايد معاهم
يعني وين الشامسي عند الشله من وين ياي من عند الشله
كنا دووم مع بعض وشو حيلتنا كلها ضحك ومصخره
لو حد شافنا بيقول مخبل هذيلا ...
ساعات تحصل ماشي اعقل عنا وساعات اليهال مايون حتى صوبنا العقل يطير مره وحده
بخبركم شو صار
في يوم واحد من ربعنا نقع يعني قال كلمه غلط بطريقه تضحك
انزين ....
وبعدين واحدثاني ... وبعدها انا وغيري .... تمينا نعاير بعضنا ولكن كله ضحك ومحد يزعل من الثاني
وهني قلنا ليش ما ناخذ دفتر ونسميه القائمه السوداء او الدفتر الأسود
ونكتب فيه تنقيعات بعض
وصارت السالفه وزاااادن التنقيعات
من كثر مانضحك ونقول تنقيعات بعض صرنا ننقع وااااااايد
وحليلي انا كنت اقل واحد .... ولا ثنين من الشباب كانوا معبين كم ورقه
وانا ورقه وحده ماكملت حتى نصها ماوصلت
في يوم من الايام كنا ظاهرين وانا كنت حاس انهم متغيرين علي ماعرف شو السالفه بس كله يحطون علي انا عادي عندي ماقلت شي ... ربع ونضحك مره علي ومره على غيري
وبعدين اشوفهم زودوها وسكت ماقلت شي .... بعد شوي قال واحد من الربع تنقيعه رحت ارمس عنها واتكلم لكن شفتهم يردون علي ويسكتوني ويخلوني ارمس عن شي ثاني لين مانسيتها صار نفس الشي مع الثاني ....
كانوا يغطون على بعض علشان ماتزيد تنقيعاتهم
انا اكوي عندي هم ماقلت شي .... ين ماقلت لهم يالله شو نتريا الحين خلونا نسير
هم راحوا وخذوا هذي الكلمه ( يالله شو) وسوها تنقيعه
اونه يقولنها شرات الزلمات يالله شوو .... يالله شوو ... يالله شوو
وتموا على هذا الحال....... يالله شوو .... يالله شوو ... يالله شوو
يا جماعه هذي هب تنقيعه هذي في الكلام انتوا خذيتوها وسويتوها تنقيعه على كيفكم
وهم ماشي .........يالله شوو .... يالله شوو ... يالله شوو
أنا شباب ياخي مصختوها مايصير مايرزا ماصارت كلمه
وهم ولا على البال .....يالله شوو .... يالله شوو ... يالله شوو
انا عصبت وسكت ولا قلت ولا كلمه وهو على نفس الحاله .... لين ماوصلت حدي ... وقفوا عند مكتبه .. ونزلوا بثنينتهم .. وبقيت انا اروحي ((انا طالع معاهم بسيارتهم))
المهم بندت السياره وخذيت المفتاح وقفت البيبان
وروحت في السوق وهم ماشافوني .... وكنت ماخذ المفتاح معاي ... قلت انا بأدبهم وبراويهم شو نتيجت الحركه اللي يسونها فيني ...
المهم المفتاح معاي وهم في المكتبه يوم ظهروا ماحصلوني وحصلوا السياره مقفاه ويتصلوا علي وانا ولا ارد عليهم
يتصلون يتصلون ويصتلوا ... وانا أكبر طاااااااااااااااااااااااااااف
مرت عشرين دقيقه وانا كنت امشي في السوق بين المحلات .... وبعدين طرشولي اونه راعي السياره مشغول يريد يروح كارفوا يشتري أغراض لأهله وتعال ومستعيلين وحالتهم حاله
قلت انا خلاص يكفيهم أكيد بيسطلبون
ورديت عند السياره ... وحصلتهم معصبين وحالتهم حال انا ماقلت شي عطيتهم المفتح وركب السياره
وشوي بعد ما حركوا السياره
ردوا يقولون يالله شوو .... يالله شوو ... يالله شوو.... يالله شوو .... يالله شوو ... يالله شوو
رديت عليهم هذي ماحاله حق شو انا خذيت المفتاح و خليتكم مب علشان هذي الحركه الغبيه
وهم ماسكتوا تموا على نفس حالتهم وانا سكت وماقلت ولا كلمه ...... لين ماوصلوا الكارفور
نزلوا الحبايب و وقفت انا اوني اعدل الغتره وهم راحوا صوب الكارفور وانا من دون مايلمحوني ودرتهم ورحت صوب الشارع و وقفت تكسي وريدت البيت
وبعدها خلاص انقدعت كل العلاقه اللي بينا
يعني اللي كان يشوفنا قبل ماضنيت يتوقع ان نحن نفترق والسبه التنقيعات
كنا نحن اللي نخلي المصخره نفسه تضحك ... والحين وين كل واحد
الغلط هب مني الغلط منهم هم ... مصخوها معاي وماتحملتها و زودوها وانفجرت غيض وماشي كان قدامي غير الفراق
وهذي نهاية القائمه السودا
سمعت عقب انهم طرروا الدفتر وعقوه في الزباله
انا قبل ماتصير المشاكل ونفترق كنت ناوي آخذ التنقيعات كلها واحطها في السبيس
علشان نضحك لأنها كلها حلوه وتضحك
لكن مثل مايقول المثل ::: كل شي يزيد عن حده ينقلب ضده
وهذي كل السالفه December 10 قصه حقيقية... السالفه صارت قدام عيني
November 18 سلاااااااام هلاااااا
اليوم ياي واريد قولكم سالفه
تعرفون شو صار
؟؟
ولا شي
كل السالفه
كنت أريد أغير البلوج لأنه صار قدييم
وحبيت أسلم عليكم
ولكم من أحلا التحيات وأغلا الأماسي
الشــــــــــامسي
November 02 مبروووك عليكم عيد الفطرالسلام عليكم ورحمة الله وبركاته
بمناسبت حلول عيد الفطر المبارك
حبيت أقدم تبركاتي واعايد عليكم بالعيد
وبمناسبت هذي العيد
أفتح لكم باب تقديم التبريكات
وتقديم الهدايا والعيديات
يالله صفوو بالدور واحد واحد
لا تتدافرون باخذ عيديات الكل
خخخخخخخخخخخ
 October 31 كلمات كتبتهاوانا جالس في تلال الظلام
وتحارب أجفوني شلات النعاس
فز قلبي في ذكر الحبيب
شل عقلي من الشوق العتيق
صرت أنا بحزاني وحيد
ساهرن همي والدمع السكيب
لا حد سأل عني ولا حد قريب
تقطعت انفاسي وصار شي مثل الشهيق
والدمع شلال يجري في خدي سريع
بايتن والهم دومه في حياتي يزيد
خاطري وش هو خاطري أبقى سعيد
هاه يالدبب شووو رايكم؟؟
أعرف أمثل
خخخخخخخخخخخخ
October 25 عيد ميلاديالسلام عليكوووووووم
صبر صبر وين الهدايا يالغشاشين
ماعليه وانا أقوول الحين بحصل آلاااااااااف الهدايا
بقولكم شي
في مثل هذا اليوم أبصر النور العالم الإماراتي الشامسي
اللذي كانت حياته كلها مخترعات وأثر تأثيراً كبيراً
في عالم تطور العلم الحديث في هذا القرن
خخخخخخخخخخخخخخ
يالله عاد وين التبريكات والهدايا ؟؟؟؟ September 07 دعوهالسلام عليكم
لتعذري دخول السبيس بستمرار
أدعوكم للأشتراك في واحة زايد الخير
رحمة الله عليه
تفضلوووا من هنا
|
|
|
